អាមេរិក ចាប់ផ្ដើមដំឡើងប្រព័ន្ធអាវុធការពារមីស៊ីលនៅ កូរ៉េខាងត្បូង (Video Clip)
កាលពីថ្ងៃច័ន្ទសប្ដាហ៍មុន កូរ៉េខាងជើង បាញ់មីស៊ីលមានអនុភាពខ្លាំងឬមីស៊ីលបាឡេស្ទីករហូតដល់ទៅ៤គ្រាប់ចូលទៅក្នុងសមុទ្រ ជប៉ុន ព្រមទាំងអះអាងថាជាការសាកល្បងដើម្បីចង់ដឹងថាតើមីស៊ីលរបស់ខ្លួនអាចវាយប្រហារដល់ទាហាន អាមេរិក នៅក្នុងប្រទេស ជប៉ុន ដែរឬយ៉ាងណា ។ប៉ុន្មានម៉ោងក្រោយមក សហរដ្ឋអាមេរិក ប្រកាសថា អ្នកជំនាញចាប់ផ្ដើមដាក់ពង្រាយប្រព័ន្ធអាវុធការពារមីស៊ីលនៅលើទឹកដីកូរ៉េខាងត្បូង ។
ប្រព័ន្ធអាវុធការពារមីស៊ីលត្រូវបានផលិតឡើងដើម្បីចាប់យកមីស៊ីលប៉ាឡេស្ទីកដែលចូលទៅក្នុងវង់ប្រតិបត្តិការនៃដែនគ្រប់គ្រងរបស់អាវុធនេះ ។ អាវុធនេះត្រូវបាន អាមេរិក ដាក់ពង្រាយនៅលើកោះ ហ្កាំ (Guam) ក្នុងមហាសមុទ្រ ប៉ាស៊ីហ្វិក និងកំពុងដំឡើងនៅ កូរ៉េខាងត្បូង បំណងទប់ស្កាត់មីស៊ីលមកពី កូរ៉េខាងជើង ។ ភ្នាក់ងារការពារមីស៊ីល អាមេរិក បានសាកល្បងប្រព័ន្ធអាវុធនេះដោយចាប់បានមីស៊ីល ១៣ លើកក្នុងចំណោមការសាកល្បងទាំង ១៣ លើក មានន័យថា ជោគជ័យ ១០០% ។
ដោយសារប្រព័ន្ធអាវុធនេះត្រូវ អាមេរិក និង កូរ៉េខាងត្បូង អះអាងថា ដើម្បីទប់ទល់នឹងមីស៊ីល កូរ៉េខាងជើង ដូច្នេះរ៉ាដានៃប្រព័ន្ធអាវុធនេះប្រាកដជាបែរមុខទៅរកប្រទេស កូរ៉េខាងជើង ប៉ុន្តែរ៉ាដានឹងតម្រង់ទៅរកផ្នែកខ្លះនៃប្រទេស ចិន ផងដែរ គឺតំបន់ព្រំដែនរវាង ចិន និង កូរ៉េខាងជើង ហើយក៏ជាមូលហេតុដែលប្រទេស ចិន តែងតែប្រឆាំងតវ៉ារហូតចំពោះការដាក់ពង្រាយអាវុធនោះ ។
អាមេរិក ចាប់ផ្ដើមដំឡើងប្រព័ន្ធអាវុធការពារមីស៊ីលនៅ កូរ៉េខាងត្បូង (Video Clip)
Reviewed by share
on
March 11, 2017
Rating:
Reviewed by share
on
March 11, 2017
Rating:
