ទាហាន អុីរ៉ាក់ ជួបនឹងការទប់ទល់យ៉ាងខ្លាំងពីក្រុម ISIS ក្នុងសង្គ្រាមដំណាក់កាលចុងក្រោយ
ចំណែកកងកម្លាំងឆ្លើយតបរហ័សជួបនឹងឧសគ្គនៅពេលដែលមានភ្លៀងធ្លាក់ខ្លាំង ដោយអាចការរុលទៅមុខត្រឹមតែ ១០០ ម៉ែត្រប៉ុណ្ណោះ ចេញពីស្ពានដែកភ្ជាប់ទីក្រុងមូស៊ុលចាស់ ទៅត្រើយខាងកើត ។ ទោះយ៉ាងណា ប៉ូលិសសហព័ន្ធ កងកម្លាំងឆ្លើយតបរហ័ស និងអង្គភាពក្រសួងមហាផ្ទៃបានចូលដល់ទីតាំង បាប អាល់-ថប់ នៃទីក្រុងចាស់ គឺជាកន្លែងមានការប្រយុទ្ធតឹងតែងបំផុតដោយសារជាតំបន់មានច្រកផ្លូវតូចៗ ធ្វើឲ្យរថពាសដែកពិបាកឆ្លងកាត់ ។
ទាហានបានសម្រុកចូលទៅដល់ភាគខាងកើតសាលារៀន និងបន្តរុលទៅមុខឆ្ពោះទៅរកសណ្ឋាគារ រួចហើយបន្តទៅដណ្ដើមយកទីតាំងស្ពាន ដើម្បីរំដោះតំបន់ បាប អាល់-ថប់ ទាំងស្រុង មុនពេលរៀបចំយុទ្ធសាស្ត្ររំដោះតំបន់ អាល់-មីដាន និងតំបន់ផ្សេងទៀត ។
ទាហានអះអាងថា ពួកគេត្រូវការពេលពីរទៅបីថ្ងៃទៀតដើម្បីរំដោះទីតាំងទាំងនោះ ហើយនៅពេលដែលដណ្ដើមបានស្ពានដែក មានន័យថា ទាហាន អ៊ីរ៉ាក់ អាចគ្រប់គ្រងស្ពាន ៥ ផ្សេងទៀតឆ្លងកាត់ទន្លេទីគ្រីស ភ្ជាប់ភាគខាងកើត និងភាគខាងលិចទីក្រុង មូស៊ុល ប៉ុន្តែស្ពានទាំងនោះត្រូវបានបំផ្លាញដោយ ISIS និងការទម្លាក់គ្រាប់បែករបស់យន្តហោះអាមេរិក ។
ប្រភព៖ kqube
ទាហាន អុីរ៉ាក់ ជួបនឹងការទប់ទល់យ៉ាងខ្លាំងពីក្រុម ISIS ក្នុងសង្គ្រាមដំណាក់កាលចុងក្រោយ
Reviewed by share
on
March 14, 2017
Rating:
Reviewed by share
on
March 14, 2017
Rating:
