ចិញ្ចឹមមនុស្សអន់ជាងចិញ្ចឹមឆ្កែ ឆ្កែវាស្គាល់ម្ចាស់ អាមនុស្សខ្លះ «ខាំវិញ»
ខេត្តឧត្ដរមានជ័យ៖ ទីបំផុតនៃជនដៃដល់ដែលសាហាវប្រើពូថៅកាប់រយះជាច្រើនកន្លែងទៅលើស្ត្រីម្នាក់កាលពីថ្ងៃទី១៥ មិនា ឆ្នាំ២០១៧ បណ្ដាលអោយមានការភ្ញាក់ផ្អើល ដោយសាកសពស្ត្រីម្នាក់ ត្រូវបានគេប្រទះឃើញស្លាប់ទាំងអាក្រាតកាយ និងក្នុងថ្លុកឈាមគួរឱ្យសង្វេគ ហើយមានស្លាកស្នាមកាប់ជាច្រើនពូថៅ ដែលហេតុការណ៍នេះស្ថិតក្នុងភូមិអូរជីក ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ។
មកដល់ថ្ងៃទី១៦មិនានេះ រំលងមួយសមត្ថកិច្ចបានធ្វើការឃាត់ខ្លួនបុរសម្នាក់ជាជនសង្ស័យឈ្មោះសិត សារ៉ាត អាយុ៣៤ឆ្នាំ មានទីលំនៅក្នុងភូមិត្រពាំងខ្យាង ឃុំស្វាយអំពេ ស្រុកបរសេដ ខេត្តកំពង់ស្ពឺ ដោយសព្វថ្ងៃស្នាក់នៅផ្ទះជាមួយស្ត្រីរងគ្រោះទើបតែបានជាង១ខែទេ។ រីឯសាកសពស្ត្រីរងគ្រោះឈ្មោះជុន ច្រឹប អាយុ៤៥ឆ្នាំ ស្នាមកាប់១២កន្លែង និងមានប្តីឈ្មោះនឹប ប៊ុនខ្លី អាយុ៥១ឆ្នាំ មានទីលំនៅនៅក្នុងភូមិអូរជីក ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ជាកន្លែងកើតហេតុ។
ចម្លើយដែលជនសង្ស័យសារភាពថា ខ្លួនពិតជាបានកាប់ស្ត្រីរងគ្រោះមែន ដោយខឹងប្តីស្ត្រីរងគ្រោះនិយាយឌឺដងដាក់ថា «ចិញ្ចឹមមនុស្សអន់ជាងចិញ្ចឹមឆ្កែ ឆ្កែវាស្គាល់ម្ចាស់ អាមនុស្សខ្លះ «ខាំវិញ»»៕ ដោយ៖ (ឧត្ដម)
ចិញ្ចឹមមនុស្សអន់ជាងចិញ្ចឹមឆ្កែ ឆ្កែវាស្គាល់ម្ចាស់ អាមនុស្សខ្លះ «ខាំវិញ»
Reviewed by share
on
March 17, 2017
Rating:
Reviewed by share
on
March 17, 2017
Rating:
