នាំទៅធ្វើការនៅថៃតែចាប់រំលោភ និង បង្ខំឱ្យលេបថ្នាំពន្យារកំណើតកម្រាម កុំអោយអ្នកណាដឹង
មានរឿងមិននឹកស្មានដល់មួយបានកើតឡើង ដោយសារតែបុរសម្នាក់បានធានានាំនាងក្រមុំឆ្លងដែន ទៅរកការងារធ្វើនៅប្រទេសថៃ ស្រាប់តែទៅដល់ព្រៃស្ងាត់ ក៏ចាប់នាងរំលោភរហូតបានសម្រេច ហើយខ្លាចនាងមានផ្ទៃពោះ ក៏បានទិញថ្នាំពន្យាកំណើតឱ្យនាងលេបអស់ ២ បន្ទះ ដល់ពេលត្រលប់មកស្រុកខ្មែរវិញ នាងបានប្រាប់ម្តាយពីរឿងហេតុទាំងអស់នេះ ក៏ប្តឹងសមត្ថកិច្ចឱ្យចាប់ខ្លួនជនកំហូច ។
ជនសង្ស័យមានឈ្មោះ ឆាន ពេស់ ភេទប្រុស អាយុ ៣៣ ឆ្នាំ រស់នៅភូមិពាមកំពង់ក្រសាំង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ចំណែកនារីរងគ្រោះមានឈ្មោះ រ.ដ.ល អាយុ ១៧ ឆ្នាំ រស់នៅភូមិឃុំជាមួយគ្នា ។
លោកវរៈសេនីយ៍ទោ ព្រហ្ម ថេង ប្រធានមន្ទីរយុត្តិធម៌នៃកងរាជអាវុធហត្ថខេត្តបន្ទាយមានជ័យ បានឱ្យដឹងថា មុនពេលឃាត់ខ្លួនជនសង្ស័យឈ្មោះ ឆាន ពេស់ គឺកម្លាំងកងរាជអាវុធហត្ថស្រុកព្រះនេត្រព្រះ បានទទួលបណ្តឹងពីស្ត្រីឈ្មោះ រៀម ជាម ភេទស្រីអាយុ ៤៩ ឆ្នាំ ត្រូវជាម្តាយនារីរងគ្រោះបានប្តឹងឈ្មោះ ឆាន ពេស់ ពីបទរំលោភសេពសន្ថវៈកូនស្រីរបស់គាត់កាលពីអំឡុងខែកុម្ភៈ ឆ្នាំ ២០១៦ ដែលប្រព្រឹត្តនៅក្នុងទឹកដីថៃ ។
ក្រោយពេលទទួលបានពាក្យបណ្តឹង កម្លាំងកងរាជអាវុធហត្ថស្រុក ដឹកនាំដោយលោកវរៈសេនីយ៍ត្រី ស៊ិន រ៉ាស៊ី មេបញ្ជាការកងរាជអាវុធហត្ថស្រុកព្រះនេត្រព្រះ បានធ្វើការស្រាវជ្រាវឃាត់ខ្លួនជនសង្ស័យ នៅចំណុចភូមិពាមកំពង់ក្រសាំង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
នារីរងគ្រោះបាននិយាយប្រាប់កងរាជអាវុធហត្ថថា នៅពេលជនសង្ស័យឈ្មោះ ឆាន ពេស់ ចាប់បង្ខំនាងរំលោភគឺនៅពេលដែលនាងឆ្លងដែន ដោយខុសច្បាប់ជាមួយជនសង្ស័យ នៅក្នុងព្រៃស្ងាត់ ហើយបានចាប់នាងរំលោភរហូតបានសម្រចក្នុងទឹកដីថៃ ។
ក្រោយពេលចាប់រំលោភហើយ ជនសង្ស័យរូបនោះ បានទិញថ្នាំពន្យារកំណើត ២ បន្ទះឱ្យនាងលេប ព្រោះខ្លាចនាងមានផ្ទៃពោះ ។ លុះដល់កន្លែងធ្វើការងារប្រទេសថៃ នាងបានប្រាប់សាច់ញាតិ ហើយទូរស័ព្ទប្រាប់ម្តាយនៅស្រុកខ្មែរឱ្យប្តឹងទាមទារសំណងពីជនសង្ស័យចំនួន ៤០.០០០ បាត ។
នៅចំពោះមុខសមត្ថកិច្ចឈ្មោះ ឆាន ពេស់ បានសារភាពថា ខ្លួនពិតជាបានចាប់នាងរំលោភបានសម្រេច ហើយខ្លាចនាងមានផ្ទៃពោះ ក៏បានទិញថ្នាំពន្យាកំណើត ២ បន្ទះឱ្យនាងលេបមែន ហើយម្តាយនារីរងគ្រោះដឹងក៏ណាត់មកស្រុកខ្មែរប្តឹងទាមទារសំណងបួនម៉ឺនបាត ខ្លួនគ្មានលុយឱ្យម្តាយនារីរងគ្រោះ ក៏បានប្តឹងកម្លាំងកងរាជអាវុធហត្ថខេត្តឱ្យឃាត់ខ្លួនតែម្តង ៕
នាំទៅធ្វើការនៅថៃតែចាប់រំលោភ និង បង្ខំឱ្យលេបថ្នាំពន្យារកំណើតកម្រាម កុំអោយអ្នកណាដឹង
Reviewed by share
on
March 31, 2017
Rating:
Reviewed by share
on
March 31, 2017
Rating:
