ស្នេហាក្នុងវ័យសិស្សា នាំគ្នាទៅរួមរ័ក្សពេញកាយា ត្រូវបានគេលួចថត ទីបំផុតម្តាយខាងស្រីប្តឹង ខាងប្រុសថា...... (មានវិឌីអូ)

យុវជនម្នាក់ ជាប់ចោទពីបទ ចាប់រំលោភសេពសន្ថវៈ ត្រូវប៉ូលិសការិយាល័យប្រឆាំងការជួញដូរមនុស្ស និងការពារអនីតិជន សហការជាមួយ ប៉ូលិសក្រុងប៉ោយប៉ែត ឃាត់ខ្លួន នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ។ លោកវរសេនីយ៍ទោ សិទ្ធិ ឡោះ នាយការិយាល័យប្រឆាំងការ ជួញដូរមនុស្ស និងការពារអនីតិជនឱ្យដឹងថា ឈ្មោះម.ណ ភេទស្រី អាយុ១៨ឆ្នាំ នៅឃុំតាំអាន ស្រុកក្រឡាញ់ ខេត្ដសៀមរាប បានប្ដឹងចោទប្រកាន់ឈ្មោះ ពិន ឈុននី ហៅយួន អាយុ២១ឆ្នាំ រស់នៅភូមិ ក្បាលស្ពាន សង្កាត់ប៉ោយប៉ែតថា បានចាប់បង្ខំនាង រំលោភរហូតបានសំរេចជាបន្ដបន្ទាប់។
ហេតុការណ៍នោះកើតឡើង ខណៈពេលឈ្មោះពិន ឈុននី ហៅយួននាំនាងទៅលេងផ្ទះឪពុកម្ដាយគេនៅខេត្ដកំពង់ចាម។ ក្រោយពេលទទួល បណ្ដឹងភ្លាមលោក ឧត្ដមសេនីយ៍ត្រី ហ៊ុន ហ៊ាន ស្នងការនគរបាល ខេត្ដបានដាក់បទបញ្ជាឱ្យការិយាល័យ ជំនាញប្រឆាំងការជួញ ដូរមនុស្ស និងការពារអនីតិជន សហការជាមួយ សមត្ថកិច្ចអធិការដ្ឋាន នគរបាលក្រុងប៉ោយប៉ែត ឃាត់ខ្លួនយុវជនជាប់ចោទ នាំទៅសាកសួរ ។ លោកវរសេនីយ៍ទោសិទ្ធិ ឡោះ បន្ដថានៅចំពោះមុខ សមត្ថកិច្ចយុវជនជាប់ចោទ សារភាពថារូបគេពិតជាបាន រួមរ័ក្សជាមួយនាងម.ណ មែនព្រោះតែពួកគេស្រលាញ់គ្នា។ ដំបូងពួកគេទាក់ទងគ្នា តាម Facebook រហូតឈាន ដល់ការយល់ចិត្ដថ្លើមគ្នា ។ លោកឧត្ដមសេនីយ៍ត្រី ហ៊ុន ហ៊ាន មានប្រសាសន៍ថា ផ្អែកតាមបណ្ដឹងរបស់នារីរងគ្រោះ និងចំលើយសារភាព របស់ជនជាប់ចោទ ការិយាល័យ ជំនាញបាន កសាងសំណុំរឿង បញ្ជូនជនជាប់ចោទទៅសាលាដំបូង ខេត្ដដើម្បីចាត់ការតាមផ្លូវច្បាប់។