ព្រលឹង​ចុង​សក់!!! រថយន្ត​ចាប់​ហ្វ្រាំង​មិនទាន់ ​កៀរ​ម៉ូតូ​ធ្លាក់​ផ្លូវ​កំពស់៥ម៉ែត្រ

ខេត្តស្វាយរៀង ៖ បុរស​ម្នាក់ បាន​រងរបួស ខ​ណះ​ដែល​ជិះ​ម៉ូតូ លើ​កំណាត់​ផ្លូវជាតិ​លេខ១ ហើយ​បាន​បត់​ឆ្វេង មិន​មើល​ក្រោយ ក៏ត្រូវ​រថយន្ត​សាំ​យ៉ុង១២កៅអី មកពី​ក្រោយ​ចាប់​ហ្វ្រាំង​មិនទាន់ ក៏​កៀរ​និង​គេច បណ្ដាលអោយ​ធ្លាក់​ស្រះ​ហាវ​ថ្នល់ ដែលមាន​កម្ពស់​ជិត៥ម៉ែត្រ សំណាង​អ្នកបើក និង​អ្នករួមដំណើរ មិន​គ្រោះថ្នាក់​ដល់​ជីវិត។ ហេតុ​ការ​ណ៏​នេះ បានកើត​ឡើង កាលពី​វេលា​ម៉ោង ១និង១៥នាទី​រសៀល ថ្ងៃទី១៥ខែមីនា​ឆ្នាំ២០១៧ ស្ថិតក្នុង​ភូមិ​សាលា ស្រុក​ចាស់ សង្កាត់​ព្រៃ​ឆ្លាក់ ក្រុង​ស្វាយរៀង។
តាម​ស​ក្សី​បានអោយដឹងថា មុន​កើតហេតុ គេ​ឃើញ​បុ​រ​ម្នាក់​មិន​ស្គាល់ឈ្មោះ បានធ្វើ​ដំណើរ​ដោយ ម៉ូតូ​មួយគ្រឿង ម៉ាក​ហុ​ងដា សេ១២៥ ព​ណ៏​ខ្មៅ ពាក់​ស្លាក​លេខ ស្វាយរៀង​១G-៤៥៥៥ លើ​កំណាត់​ផ្លូវជាតិ​លេខ១ ក្នុងទិសដៅ​ពី​កើតមក​លិច លុះ​មកដល់​ផ្លូវបំបែក​ជា៣ ក៏បាន​បត់​ឆ្វេង​ខ្វះ​ការ​ប្រុង​ប្រ​យ​ត្ន័ មិន​មើល​ក្រោយ ស្រាប់​តែមាន​រថយន្ត ម៉ាក​សាំ​យ៉ុង ព​ណ៏​ខៀវ ពាក់​ស្លាក​លេខ ភ្នំពេញ ២P-១៤៤៧ បើកបរ​ដោយ​បុរស​ម្នាក់​ឈ្មោះ ខៅ សៅ អាយុ៣៤ឆ្នាំ និង​អ្នករួមដំណើរ​ម្នាក់ ត្រូវជា​ឪពុក​មិន​ស្គាល់ឈ្មោះ ដោយមាន​ទីលំនៅ ភូមិ​ឃុំ​ព្រែក​ខ្សាយ ស្រុក​ពាម​រក៍ ខេត្តព្រៃវែង ដែល​បើក​មកពី​ក្រោយ ពី​កើតមក​លិច ចាប់​ហ្វ្រាំង​មិនទាន់ ក៏​គៀរ​ម៉ូតូ​និង​បើក​គេច បណ្ដាលអោយ ​ធ្លាក់​ស្រះ​ហាល​ថ្នល់ ដែលមាន​កំពស់​ជិត៥ម៉ែត្រ យ៉ាង​ពេញទំហឹង​ ​បណ្ដាលអោយ ខូចខាត​ផ្នែក​ខាងមុខ រថយន្ត​ទាំងស្រុង។

 ក្រោយមក​អ្នកធ្វើដំណើរ ក៏ដូចជា​អ្នកភូមិ​ចោមរោម​មើល និង​រាយការណ៍​មក​សមត្ថកិច្ច យក​បុរស​អ្នកបើក​ម៉ូតូ ទៅកាន់​មន្ទី​ពេទ្យ​បង្អែក​ខេត្តស្វាយរៀង រីឯ​អ្នកបើករថយន្ត និង​អ្នករួមដំណើរ បាន​ចេញពី​ក្នុង​រថយន្ត មិនមាន​គ្រោះថ្នាក់​អ្វី​នោះទេ។ បន្ទាប់មក សមត្ថកិច្ច​នគរបាល បានធ្វើការ​វាស់វែង ព្រមទាំង​ស្ទូច​យក​រថយន្ត មកកាន់​អធិការដ្ឋាន នគរបាល​ក្រុង ចាត់​ការបន្ត​តាមច្បាប់៕ ដោយ វិ​រះ ពៅ ស្វាយរៀង

 ប្រភព vd7news