រៀបរាប់អារម្មណ៍ពិត! ក្រមុំខេត្តសុរិន្ទ ធ្លាប់មកដើរលេងស្រុកខ្មែរ ៤០ដងហើយ ប៉ះម្តងត្រូវចោរឆក់នៅបឹងកេងកង ធ្វើអ្វីអត់កើត បានត្រឹមឈរមើល តែកញ្ញានៅតែស្រឡាញ់ប្រទេសកម្ពុជា និងជួយផ្សព្វផ្សាយឲ្យថៃមកលេងខ្មែរកាន់តែច្រើន

កាលពីពេលថ្មីៗនេះមានក្រមុំខេត្តសុរិន្ទមា្នក់ដែលមានរូបសម្រស់ស្រស់ស្អាត ហើយថែមទាំងចេះនិយាយភាសាថៃ ខ្មែរ និងឡាវ បានច្បាស់ផង បានបង្ហោះវិដេអូមួយនិយាយពីអារម្មណ៍ពិតពេលមកលេងស្រុកខ្មែរ។ គាត់បានរៀបរាប់ថាគាត់មកលេងខ្មែរ៤០ដងហើយ តែសំណាងអាក្រក់មានម្តងគាត់បានត្រូវចោរឆក់ពេលទៅបឹងកេងកង។ នៅក្នុងកាបូបរបស់គាត់គឺមានលុយដុល្លារ ២០០ជាងដុល្លារ និងលុយបាត១ម៉ឺនជាងបាត ហើយទូរស័ព្ទ iphone មួយគ្រឿង។

គាត់ពិតជាស្តាយរបស់គាត់ណាស់ តែទោះជាយ៉ាងណាក្តីគាត់នៅតែស្រឡាញ់ប្រទេសកម្ពុជាហើយព្យាយាមផ្សព្វផ្សាយពីកម្ពុជាទៅដល់ជនជាតិថៃ ដើម្បីឲ្យពួកគាត់បានមកលេងថៃកាន់តែច្រើន។ យ៉ាងណាមិញខ្មែរណូតសូមសំណូមពរឲ្យអាជ្ញាធរមានសមត្ថកិច្ចប្រមាញ់មុខសញ្ញាចោរឆក់កាបូបឲ្យអស់ ព្រោះភ្ញៀវទេសចរណ៍អាចរអាលពេលមានចោរឆក់ច្រើន និងអាចបង្កគ្រោះថ្នាក់ដល់ពួកគាត់ផង។ ជាចុងក្រោយសូមអរគុណដល់កញ្ញាក្រមុំខេត្តសុរិន្ទ ដែលបានស្រឡាញ់ប្រទេសខ្មែរ និងជួយបំផុសឲ្យគេមកលេងកម្ពុជា។ អត្ថបទ៖ ខ្មែរណូត ប្រភព៖ Daliya Kanitta